తెదేపా-వైకాపా వర్గాల ఘర్షణ

శంఖవరం: పాఠశాల విద్యాకమిటీ ఎన్నికలు సందర్భంగా తెదేపా-వైకాపా వర్గాల మధ్య ఘర్షణ తలెత్తింది. ఈ ఘటన తూర్పుగోదావరి జిల్లా శంఖవరం మండలం మండపం గ్రామంలో చోటుచేసుకుంది. ఇరువర్గాలు ఒకరిపై ఒకరు దాడికి పాల్పడటంతో 10 మంది గాయపడ్డారు. క్షతగాత్రులను తుని ప్రాంతీయ ఆస్పత్రికి తరలించి చికిత్స అందిస్తున్నారు. గ్రామంలో ఉద్రిక్త పరిస్థితులు ఉండటంతో పోలీసులు బందోబస్తు ఏర్పాటుచేశారు